Адыгэ Республикэм и Ар­бит­ражнэ хьыкум унашъоу ышIыгъэм къыпкъырыкIызэ, хьыкум приставым чIыфэ­шхо зытелъ организацием ылъэны­къокIэ Iоф къызэIуихыгъ.

Хэбзэгъэуцугъэм диштэу хьыкум приставым организацием ипащэхэм зафигъэзагъ, чIыфэр игъом къапщынын зэрэфаер ариIуагъ. Ащ дакIоу предприятием мылъкоу IэкIэлъыр зэригъэшIэным пае къулыкъу зэфэшъхьафхэм тхыгъэхэр афигъэхьыгъэх.

Ау организацием ежь-ежьырэу чIыфэр къыпщыныгъэп, мылъку иIэу е иахъщэ счетхэм арылъэу агъэунэфыгъэп. Хьыкум приставым а зэкIэ къыдилъыти, регистрацием ылъэныкъокIэ предприятием иIофшIэн зи зэхъокIыныгъэ фишIын фимытэу унашъо ышIыгъ.

Ащ ыуж организацием ипащэхэм чIыфэу ателъыр къызэкIагъэкIожьыгъ, хьыкум приставым Iоф къызэрэзэIуихыгъэм телъытэгъэ сомэ мин 76-рэ счетым къырагъэхьажьыгъ. Хьыкум приставхэм я Федеральнэ къулыкъу АдыгеимкIэ и ГъэIорышIапIэ ипресс-къулыкъу.