Мы мафэхэм къэбар гухэкI къытлъыIэсыгъ.Кощхьэблэ район гъэзетэу «Кошехабльские вести» зыфиIорэм иредактор шъхьаIэу ЛIыIупэ Аслъан Хьамзэт ыкъом идунай ыхъожьыгъ. 2012-рэ илъэсым къыщыублагъэу ЛIыIупэ Ас­лъан гъэзетым ипэщагъ, зиIоф хэшIыкIышхо фызиIэу, пшъэрылъэу ыгъэуцухэрэм афакIоу, иIоф­шIэгъухэр ицыхьэшIэгъухэу, лъытэныгъэшхо къыфашIэу щытыгъ. Районым щызэшIуахырэм лъэныкъо пстэумкIи икъиIотыкIын, ицIыф шIагъохэм якъэгъэлъэгъон иIофшIэгъухэр игъусэхэу фэлэжьагъ, шIулъэгъу­ныгъэу ичIыгу гупсэ, икъуаджэ афыриIагъэр зэ­рэ­гъунэнчъагъэр районым ипащи исоциальнэ нэкIубгъохэм къащитхыгъ. Адыгэ Республикэм лъэпкъ IофхэмкIэ, IэкIыб къэралхэм ащыпсэурэ тилъэпкъэгъухэм адыряIэ зэпхыныгъэхэмкIэ ыкIи къэбар жъугъэм иамал­хэмкIэ и Комитет, «Адыгэ макъэм» иIофышIэхэр, журналист зэхэт купхэу республикэм щылажьэхэрэм агу къео тиIофшIэгъу къызэрэтхэмытыжьыр ыкIи ЛIыIупэ Аслъан иIахьыл-благъэхэм тафэ­тхьаусыхэ чIэнагъэу ашIыгъэмкIэ. Тхьэм джэнэт лъапIэр къырет.