Компаниеу «ТНС энерго Кубань» къызэритырэмкIэ, цIыфхэм агъэфедэгъэ электричествэм ыуасэ игъом къатызэ ашIымэ нахьышIу. Мы пшъэрылъыр зымыгъэцакIэхэрэм электроэнергиер афапаупкIын алъэкIыщт, нэужым ар пашIэжьыным пае чIыфэу ателъыгъэр зэрапщыныщтым дакIоу, ахъщэ тедзэ атын фаеу хъущт. Электричествэм итынкIэ чIыфэ зэрэшъутелъым къыкIэлъыкIон ылъэкIыщтыр: — квитанцием итыр цIыфым зимыты­гъэм ыуж мэфэ 31-рэ зытешIэкIэ пеня техъощт; — чIыфэ зытелъыр кредит фаеу банкым зыкIокIэ ар къырамытын алъэкIыщт; — имылъку арест тыралъхьан, нэужым ащэнышъ, чIыфэу телъым пэIуагъэхьан алъэкIыщт; — хьыкумым унашъоу ышIыгъэм диштэу цIыфым ибанк счет илъ ахъщэр рахынышъ, чIыфэм ипщыныжьын пэIуагъэ­хьащт; — нэмыкI къэралыгъо, чIыпIэ кIон фитыщтэп; — фэгъэкIотэныгъэу ыкIи субсидиеу иIэхэр щагъэзыенхэ алъэкIыщт. Мазэу къихьагъэм ия 10-рэ мафэ нэс электри­чествэм ыуасэ къэшъутынэу «ТНС энерго Кубань» зыкъышъуфегъазэ. Джащыгъум бырсыр шъухэфэщтэп. Тхьаркъохъо Адам.