Адыгеим ихэбзэухъумэкIо къулыкъухэм зэхащэгъэ оперативнэ Iофтхьабзэхэм яшIуагъэкIэ наркотик килограмм 27-рэ фэдиз бзэджашIэм къыпкъырахыгъ. — АР-м хэгъэгу кIоцI IофхэмкIэ и Министерствэ иотделэу Тэхъутэмыкъое райным щыIэмрэ Краснодар краим ихэбзэухъумакIохэмрэ зэгъусэхэу мы Iофтхьабзэр рагъэкIокIыгъ. Къутырэу «Хомуты» зыфиIорэм дэжь украинскэ номерхэр зыпылъ автомобилыр къы­щагъэуцугъ. Ар зезыфэщтыгъэр Мурманскэ хэкум щыщ хъулъ­фыгъ. Автотранспортыр къызалъы­хъум, зэкIоцIыщыхьэгъэ пкъыгъуи 10 къы­рахыгъ, ушэтынхэм къызэрагъэлъэ­гъуагъэм­кIэ, ахэр наркотикхэмкIэ ушъэ­гъагъэх, зэкIэмкIи килограмм 27-рэ фэдиз хъущтыгъ. Адыгэ Респуб­ликэм хэгъэгу кIоцI IофхэмкIэ и Министерствэ иследственнэ ГъэIорышIапIэ икъулыкъушIэ уголовнэ Iоф къызэIуихыгъ, зэхэфынхэр макIох, — къы­хигъэщыгъ УФ-м и МВД иофициальнэ лIыкIоу Ирина Волк. Тхьаркъохъо Адам.