Адыгэ Республикэм и Къэралыгъо Совет – Хасэм ияпшIыкIутфэнэрэ зэхэсыгъо 2022-рэ илъэсым Iоныгъом и 28-м щыIэщт.

Iофыгъохэу зытегущыIэщтхэм мыхэр ахагъэхьагъэх: законопроектхэу къыкIэлъыкIохэрэм ятIонэрэу ахэплъэщтых: Адыгэ Республикэм и Законхэу «Розничнэ бэдзэрхэм язэхэщэн ехьы­лIагъ», «Къолъхьэ тын-Iыхыным пэшIуекIогъэным фэгъэхьыгъ», «Чылапхъэхэм алъэныкъокIэ Iофыгъо заулэхэм язэшIохын ехьылIагъ», «Фэтэрыбэу зэхэт унэхэм ягъэцэкIэжьын игъом зэхэщэгъэнымкIэ Iофыгъо заулэхэм яхьылIагъ», «ЦIыфхэмрэ хьылъэхэмрэ язещэнкIэ Iофыгъо заулэхэм язэшIохын ехьылIагъ», «Адыгэ Республикэм гъэсэныгъэр зэрэщызэхэщагъэм ехьылIагъ», «Энергиер кIэугъоегъэным ыкIи шIуагъэу ащ къытырэм зыкъегъэIэтыгъэным яхьылIагъ», «ЦIыфхэм ясоциальнэ фэIо-фашIэхэм алъэныкъокIэ Iофыгъо заулэхэм язэшIохын ехьылIагъ», «Культурэм ехьылIагъ» зыфиIохэрэм; къыкIэлъыкIохэрэм апэрэу ахэплъэщтых: «Адыгэ Республикэм и Закон заулэхэм кIуачIэ ямыIэжьэу лъы­тэгъэным ехьылIагъ», «Адыгэ Республикэм и Законхэу «Адыгэ Республикэм 2022-рэ илъэсымкIэ ыкIи 2023 — 2024-рэ илъэс­хэмкIэ иреспубликэ бюджет ехьылIагъ», «Псэушъхьэ гъорыкIохэм япхыгъэ Iофтхьэбзэ заулэхэм язэшIохынкIэ Адыгэ Республикэм чIыпIэ зыгъэIорышIэжьынымкIэ икъулыкъухэм къэралыгъо полно­мочиехэр афэгъэзэгъэнхэм ехьылIагъ» зыфиIохэрэм ыкIи нэ­мыкI Iофыгъохэм.

Адыгэ Республикэм и Къэралыгъо Совет – Хасэм изэхэсыгъо Адыгэ Республикэм и Къэралыгъо филармоние сыхьатыр I0.00-м щырагъэжьэщт. ЧIыпIэу зыдэщыIэр: къ. Мыекъуапэ, ур, Пионерскэр, 300.

Адыгэ Республикэм и Къэралыгъо Совет — Хасэм и Тхьаматэу Владимир Нарожнэр