Адыгеим щыпсэухэрэм яятIонэрэ нэбгырэ пэпчъ автомобиль псынкIэ иIэу агъэунэфыгъ. Урысыем хэгъэгу кIоцI IофхэмкIэ и Министерствэ икъэбар- аналитическэ Гупчэ къызэритыгъэмкIэ, 2021-рэ илъэсым автомобиль транспорт мин 243,7-рэ Адыгеим щатхыгъ. Адыгеястатым къызэритыгъэмкIэ, а пчъагъэм инахьыбэр (процент 88-р) автомобиль псынкIэхэр ары – 214068-рэ мэхъу. ЗэрэхъурэмкIэ, Адыгеим щыпсэурэ нэбгырэ мин пэпчъ автомобиль псынкIэ 460-рэ тефэ. «Зэрэкъэралыгъоу пштэмэ, тишъолъыр ящэнэрэ чIыпIэр ыIыгъ. Апэрэ чIыпIэр зыубытырэр Камчатскэ краир ары (561-рэ). ЯтIонэрэр – Приморскэ краир (489-рэ) — къытыгъ ведомствэм. ГущыIэм пае, къалэу Москва нэбгырэ миным автомобиль 365-рэ тефэ, Краснодар краим – 328-рэ. Iэшъынэ Сусан.