Телеканалэу «Москва 24» зыфиIорэм иэфир врач-диетологэу Михаил Гинзбург къыщиIуагъ адыгэ къуаер псауныгъэмкIэ анахь Iэзэгъухэм ащыщэу. Экспертым къыхигъэщыгъ цIыфхэм къуаер къыхахы зыхъу­кIэ ар зэрэзэхэлъым анаIэ тырагъэтынэу. Ащ къызэриIуагъэмкIэ, кальциеу ыкIи белокэу къуаем хэлъым ар Iэзэгъу къа­шIы. Мыщ дэжьым къэIогъэн фае, щыгъур ыкIи тхъур нахьыбэу хэлъыхэ хъумэ, псауныгъэм зэрар рехы. — ПсауныгъэмкIэ нахь федэ къуаехэр тхъур ыкIи щыгъур нахь макIэу зыхэлъхэр ары, — еIо М. Гинзбург. Бэдзэрым щащэхэрэм ащыщэу адыгэ къуаер шапхъэхэм адиштэу ыкIи анахь Iэзэгъоу ащ къыхигъэщыгъ. Джащ фэдэу специалистым къариIуагъ мафэм грамми 100 — 150-м емыхъоу адыгэ къуаер ашхын фаеу. КIарэ Фатим.