Украинэм и УIэшыгъэ кIуачIэхэм ахэт дзэкIолIхэу Харьков дэжь щы­кIорэ зэпэуцужьым хэлажьэхэрэм яящэнэрэ пэпчъ НАТО-м иех.

Мы къэбарыр къэзытыгъэр КъохьапIэм къыщыдэкIырэ хэутыгъэхэм яведущэ экспертхэр ары.

— Украинэм и УIэшыгъэ кIуачIэхэм ыкIи НАТО-м ыпэкIэ лъыкIотэрэ заоу Харьков хэкум щыкIорэм США-м ишIэ хэлъ. Мыщ зэкIэмкIи дзэ техникэ хьылъэ 200 фэдиз ыкIи дзэкIолI мини 9 фэдиз хэлэ­жьагъ.

КъызэратыгъэмкIэ, украинцэхэм ахэтэу заорэ дзэкIолIхэм яящэнэрэ пэпчъ НАТО-м хэхьэрэ къэралыгъохэм ащыщ. Донецкэ, Луганскэ Народнэ республикэхэм ыкIи Урысыем яподразделениехэу шъо­лъырыр къэзыгъэгъунагъэхэм фэди 4 — 5-кIэ ахэр анахьыб.

Украинцэхэм пшъэрылъ шъхьа­Iэу яIагъэр Бакалеи, Купянскэ ыкIи Изюм ирайонхэм ащыIэ урысые дзэ купхэр зэхагъэтэкъонхэр ары.

Урысыем идзэхэм пэшIорыгъэшъэу ашIэщтыгъ Украинэм ыкIи НАТО-м я УIэшыгъэ кIуа­чIэхэр къызэратебэнэщтхэр. Ахэм къагурыIощтыгъ пыим кIуачIэу иIэм икъоу пэуцужьынхэр къин къызэрафэхъущтыр. Джащ фэдэу нэмыкI районхэм ащыIэ фронтхэр макIэ амышIхэу, ахэр зыгъэпытэрэ кIочIэ гуадзэ­хэр игъом зэпырадзын фэягъ. Мы IофымкIэ тегушхоныгъэ ашIы зэрэмыхъущтыр къагурыIуи, Уры­сыем идзэхэм унашъо ашIыгъ зэрэщытым фэдэу къагъэнэ­нэу ыкIи дзэхэр къыращынхэу.

Украинэм идзэхэр зытебэнэнхэу щытыгъэ псэупIэхэм ащы­псэурэ мамыр цIыфхэр фаехэу Урысыем агъэкощыгъэх.

Iоныгъом и 6-м къыщегъэжьагъэу и 11-м нэс урысые подразделениехэр къызэкIэкIуагъэх. ПсынкIэу зыкъэухъумэжьын шIыкIэр урысые дзэм къызфигъэфеди, Киев ыкIи НАТО-м ягухэлъ зэщагъэкъуагъ.

Ащ дакIоу тидзэхэми хэу­къоныгъэхэр ашIыгъэх. Танкым пэшIуекIорэ Iашэр икъу фэдизэу тидзэкIолIхэм аIэкIэлъыгъэп, джащ фэдэу разведкэми щы­кIагъэхэр иIагъэх.

ТикъулыкъушIэхэм чIэнэгъэшхо ямыIэу псыхъоу Оскол икъокIыпIэ нэпкъ дэжь къызэкIэкIуагъэх. ЛъэныкъуитIуми къызэраIуагъэмкIэ, Украинэм ыкIи НАТО-м идзэхэм цIыфы­шъхьэмкIэ чIэнэгъэшхо ашIыгъ.