Адыгэкъалэ дэт кIэлэцIыкIу IыгъыпIэм кIорэ кIэлэцIыкIухэм апае Iофтхьэбзэ гъэшIэгъон Къэралыгъо автоинспекторхэм зэхащагъ. ДжэгукIэ шъуашэм илъэу ныбжьыкIэ цIыкIухэм гъогурыкIоным ишапхъэхэр зэрашIэрэр ауплъэкIугъ. Къэралыгъо автоинспекторхэм агъэхьазырыгъэ Iофтхьабзэм техыгъэ джэгукIэхэр хагъэхьагъэх. А амалыр къызыфагъэфедэзэ гъогум щыхъун ылъэкIыщт тхьамыкIагъохэр, зэпырыкIыпIэхэм зэрэщызекIонхэ фаер, нэмыкIхэри къафаIотагъэх. Ащ дакIоу, ежь кIэлэцIыкIухэми гъогу тамыгъэхэм, нэфрыгъуазэм ышъохэм ямэхьанэ япхыгъэ шIэныгъэ дэгъухэр къагъэлъэгъуагъэх. Iэшъынэ Сусан.