АпэрапшIэ автомобилыр къэзыгъэгъунэрэ сигнализациер ыкIи рулыр бгъэIорышIэн умылъэкIынэу механическэ пкъыгъор («секреткэ» раIо) ащ хэжъугъэуцу.

Джащ фэдэу ахъщэу уиIэм елъытыгъэу автомобилым лъыплъэ­рэ спутник системэр хэбгъэуцомэ дэгъу. Гараж уимыIэмэ, чэщым автомобильхэр къызщагъэгъунэхэрэ уцупIэм дэжъугъэуцомэ нахьышIу. Офисхэм ыкIи банкхэм ачIэт камерэхэм шъуащыгугъы хъущтэп. Ахэм ахэт пкъыгъохэм нахьыбэрэмкIэ чIэхьэпIэ за­къор ары къагъэлъагъорэр.

Машинэм шъукъызикIыкIэ двигателыр хэгъэнагъэу къэшъумыгъан. Джащ фэдэу тучаным е зыгъэпсэфыпIэ чIыпIэм шъукIуагъэмэ, IункIыбзэр ыкIи автомобилым идокументхэр зыдашъуштэх. Шъуимашинэ Iуафыгъэмэ, псынкIэу полицием ителефон номерэу 02-мкIэ шъутеу.