Лъытэныгъэ зыфэтшIырэ ны-тыхэр, кIэлэпIухэр, кIэлэегъаджэхэр!

ТхьамыкIагъо къэмыхъуным пае кIэлэцIыкIухэм сырнычыр къамыштэным шъунаIэ тежъугъэт. ЭлектричествэмкIэ Iоф зышIэрэ пкъы­гъохэр ахэм яшъумыгъэгъэфедэх. Хьакум машIо пэлъэу е телевизорым Iоф ышIэу кIэлэцIыкIухэр язакъоу унэм къишъумынэх.

КIэлэцIыкIухэм щысэ дэй яшъумыгъэлъэгъу: ахэм апа­шъхьэ тутын шъущемышъу, унэ мэзахэхэр къэжъугъэнэфынхэм пае тхылъыпIэм кIэшъумыгъан. Электрическэ пкъыгъо зэщыкъуагъэхэр унэм ишъумыгъэтых. Сакъынчъагъэм тхьамыкIагъом укъыфищэн зэрилъэкIыщтыр зыщышъумыгъэгъупш. КIэлэцIыкIур чIыпIэ зэжъу зифэкIэ зэрэзекIощтыр ышIэрэп. МашIор зилъэгъукIэ, зыгорэм зызэрэщигъэбылъыщтыр ары ар зыуж итыр: е пIэкIор чIэгъым, е стол чIэгъым ачIэпшыхьэ. Ащ фэдэ гумэкIыгъо къэ­хъумэ, зэрэзе­кIон фаер ащ ешъуIу. Унэм узэрикIыщт чIыпIэу иIэхэри ежъугъэлъэ­гъух. Анахь мэхьанэ зиIэр ащ фэдэ гузэжъогъу зыхафэкIэ кIэлэцIыкIум зигъэбылъ зэрэмыхъущтыр гуры­гъэIогъэныр ары.

Э.Т. Сиабандов.

МашIом зыкъымыштэным лъыплъэгъэнымкIэ къалэу Мыекъуапэрэ Мыекъопэ районымрэ якъэралыгъо инспектор.