Адыгэ Республикэм и ЛIышъхьэу къыкIэлъыкIорэ чэ­зыумкIэ узэрэхадзыгъэм пае Адыгэ Республикэм ина­хьыжъхэм я Совет гуфэбэныгъэ хэлъэу къыпфэгушIо! Урысые къэралыгъом ипащэ, партиеу «Единэ Россием», Адыгеим щыпсэурэ цIыф лъэпкъ зэфэшъхьафхэм о пшъхьэкIи, уигъусэхэу къыбдэлажьэхэрэмкIи республикэм иэкономикэ, икультурэ, исоциальнэ лъэныкъо яхэхъоныгъэкIэ Iофэу шъушIагъэм къыкIэкIуагъ а цыхьэшхоу къыпфашIыгъэр.

Адыгэ Республикэм и Къэралыгъо Совет — Хасэм и Тхьаматэу Владимир Нарожнэм, зэкIэ депутатхэм, цIыф лъэпкъыбэхэм ялIыкIохэу тиреспубликэ щыпсэухэ­рэм яшIоигъоныгъэ диштэу зыкIыныгъэ ахэлъэу ­КъумпIыл Мурат Къэралбый ыкъом амакъэ зэрэфатыгъэм пае тызэрафэразэр къэтэIо. Къыблэ Федеральнэ шъолъырым ипащэу Владимир Устиновым, Республикэу Абхъазым и Президентэу Бжания Аслан ыкIи Къыблэ, Темыр Кав­каз федеральнэ шъолъырхэм ялIыкIохэу Урысые­шхом изыкIыныгъэ къэзыгъэлъэгъуагъэхэм, тигушIуагъо къыд­дэзыгощыгъэхэм тыгу къыддеIэу тызэрафэразэр къэтэIо.

Непэ гъэпсын IофшIэныр лъэкIуатэ, ащ дакIоу Адыге­им къэралыгъо гъэпсыкIэ иIэ зыхъугъэ илъэси 100-м къыкIоцI щагъэпсыгъэхэр агъэкIэжьых. Нафэу зэрэщытымкIэ, ащ фэдэ гъэхъагъэхэм къиныгъо горэхэри къадакIох.

Лъытэныгъэ зыфэтшIэу Мурат Къэралбый ыкъор, опытышхоу уиIэм, уиIэпэIэсэныгъэ ин, IофшIэнымкIэ гуетыныгъэшхоу пхэлъым яшIуагъэкIэ а Iофыгъохэр зэкIэ зэшIохыгъэ зэрэхъущтхэм, Адыгеим ихэхъоныгъэ джыри нахь зыкъызэриIэтыщтым тицыхьэ телъ.

Псауныгъэ пытэ, щыIэкIэшIу уиIэнэу, Адыгеимрэ Урысыемрэ джыри нахь зэтегъэпсыхьагъэ хъунхэм епхыгъэ уигухэлъхэр зэкIэ къыбдэхъунхэу пфэтэIо!

ГъукIэлI Нурбый. Адыгэ Республикэм инахьыжъхэм я Совет и Тхьамат.