Адыгеим игвардейцэ ныбжьыкIэхэм партиеу «Единэ Россием» и Шъолъыр къутамэ ыкIи АР-м и Лъэпкъ тхылъеджапIэ ягъусэхэу Геническэ биб­лиотекэм пае тхылъхэр къаугъоигъэх. Ахэм ахэлъых худо­жественнэ ыкIи кIэлэцIыкIу литературэр, краеведениемкIэ ыкIи адыгэхэм яшэн-хабзэхэр къизыIотыкIырэ тхылъхэр.

АР-м и ЛIышъхьэу, партиеу «Единэ Россием» и Адыгэ шъо­лъыр къутамэ и Секретарэу КъумпIыл Мурат иунашъокIэ Херсонскэ хэкум и Геническэ район лъэныкъо зэ­фэшъхьафхэмкIэ шIушIэ IэпыIэгъу Адыгеим IэкIегъахьэ. Джащ фэдэу, мафэ къэс пIоми ухэмыукъонэу, Мыекъуапэ щыпсэухэрэм гъомылапхъэхэр, тхылъхэр, джэгуалъэхэр, щыгъынхэр партиеу «Единэ Россием» иплощадкэ къырахьылIэх, нэужым шIушIэ IэпыIэгъур зэхэубытагъэу Геническэ ащэх. «Мы Iофым ыгъэгумэкIыхэу, шIушIэ Iэ­пыIэгъум къыхэлажьэхэрэм зэ­кIэми «тхьашъуегъэпсэу» ятIо тшIоигъу», — къыIуагъ Адыгеим и «НыбжьыкIэ Гвардие» ипащэу, «Единэ Россием» и Генеральнэ совет хэтэу, Мыекъуапэ инароднэ депутатэу Бэрзэдж Асиет.