Адыгэ Республикэм физическэ культурэмкIэ ыкIи спортымкIэ и Комитет Геническэ рай­оным ибаскетболист ыкIи самбист ныб­жьы­кIэхэм шIухьафтынхэр афишIыгъэх.

Къалэу Геническэ дэт гурыт еджапIэу N 3-м баскетболымкIэ секцие къыщызэIуахыгъэу кIэлэцIыкIу 30 фэдизмэ зыща­гъасэ. Спорт Iэмэ-псымэу ащ чIэтхэр бэшIагъэ зызэбламы­хъугъэхэр. Баскетбол зэрешIэхэрэ Iэгуаоу 10, ащ нэмыкIэу мы спорт лъэпкъымкIэ агъэфедэрэ Iэмэ-псымэхэр шIухьафтын ахэм афашIыгъ, кIэлэцIыкIухэр ащ лъэшэу щыгушIукIыгъэх.

Джащ фэдэу самбист ныбжьыкIэхэм, ахэм япчъагъэ 50 фэдиз мэхъу, ащыгъыщт спорт шъуа­шэхэр афащагъэх. Анахь шIухьафтын ин хъугъэр зызыщагъэсэщт хэушъхьафыкIыгъэ алырэгъур ары. IэпэIэсэныгъэшхо зиIэ тренерхэм яшIуагъэкIэ дзюдом ыкIи самбэм ибэнакIэхэр кIэлэцIыкIухэм къызыIэкIагъахьэ.

Джащ фэдэу спортсменхэм гантельхэр ыкIи спортзалым чIэлъыщт Iэмэ-псымэхэр афа­щагъэх, а мэфэ дэдэм хьылъэ IэтынымкIэ зэнэкъокъу рагъэ­кIокIыгъ. Адыгеим илIыкIохэм текIоныгъэ къыдэзыхыгъэ кIэлэцIыкIухэм спорт Iалъмэкъхэр аратыгъэх.

Людмила Погасеева.