ХэушъхьафыкIыгъэ дзэ операцием хэлажьэхэрэм зэрадырагъаштэрэр къэзыушыхьатырэ письмэхэм яугъоин Адыгеим щылъагъэкIуатэ.

«Гвардие ныбжьыкIэм» иштаб ыкIи партиеу «Единэ Россием» и Шъолъыр приемнэ ахэр къырахьылIэх. Iофтхьабзэу «Zащитникам Отечества» зыфи­Iорэм къыдыхэлъытагъэу «Гвардие ныбжьыкIэм» иактивистхэм письмэхэр атхых.

«ЛIыхъужъныгъэ зе­шъухьэзэ, шъупсэ шъуемыблэжьэу цIыф къызэрыкIохэр къэшъоу­хъумэх. СэркIэ тидзэ­кIолIхэр лIыхъужъых, тихэгъэгу къаухъумэ. Нэбгырэ пэпчъ псаоу иуна­гъо къифэжьынэу тыфай», — еIо «Гвардие ныбжьыкIэм» и Шъо­лъыр штаб хэтэу Анатолий Коршуновым.

Республикэм щыпсэурэ пэпчъ хэушъхьафыкIыгъэ дзэ операцием хэлэжьэрэ тикIалэхэм письмэ афитхын, зэрадырагъаштэрэр къыраIотыкIын амал яI. Атхыгъэхэр ыкIи сурэтхэр МыекъуапэкIэ партиеу «Единэ Россием» и Шъолъыр общественнэ приемнэ, джащ фэдэу республикэм имуниципалитетхэм ячIыпIэ общественнэ приемнэхэм, «Гвардие ныбжьыкIэм» и Шъолъыр штаб ара­хьы­лIэнхэ алъэкIыщт. Джащ фэдэу электроннэ форматкIэ op@adygei.er.ru» зыфи­Iорэм агъэ­хьын амал яI, — еIо партиеу «Единэ Россием» и Генеральнэ Совет хэтэу, АдыгеимкIэ «Гвардие ныбжьыкIэм» ипащэу, депутатэу Бэрзэдж Асыет.

Шъугу къэдгъэкIыжьын, гъэт­хапэм и 9-м къыщегъэжьагъэу «Единэ Россием» Iофтхьабзэу «Zащитникам Отечества» зыфи­Iорэр регъэкIокIы. Фэе пстэури ащ хэлэжьэн алъэкIыщт.