Адыгэ Республикэм и ЛIышъхьэу КъумпIыл Мурат иунашъокIэ анаIэ зытырагъэтырэ Геническэ псэупIэр къабзэу аIыгъыным фэшI Iэмэ-псымэхэр IэкIагъэхьагъэх.

Уцыр зэраупкIэщтхэр, пкъыгъоу ащ игъусэхэр ыкIи нэмыкI техникакIэр районым ипсэупIэ-коммунальнэ хъызмэт ратыгъэх. Джащ фэдэу урамхэр агъэнэфынхэмкIэ электрооборудованиехэр, псэупIэм изэтегъэпсыхьан ищыкIэгъэ краскэхэр, известкэр, нэмыкIхэри IэкIагъэхьагъэх.

ПсэупIэ-коммунальнэ хъызмэтым иIофышIэхэм техникакIэу зэрагъэгъотыгъэм осэшIу фа­шIыгъ, ахэм яшIуагъэкIэ яIофшIэн псынкIэ къафэхъу. Общественнэ чIыпIэхэм яукъэбзынкIэ, джащ фэдэу шэмбэт шIыхьафхэм язэхэщэнкIэ амал дэгъухэр аIэкIэлъ хъугъэ. Джы санитар шапхъэ­хэр къэухъумэгъэнхэм фэшI «мэфэку къабз» зыфиIорэ Iофтхьабзэр тхьамафэ къэс зэхащэзэ ашIынэу рахъухьагъ.

Людмила Погасеева.