Къэралыгъом къыгъэгъунэрэ чIыгу хэхыгъэхэм ащагъэцэ­кIэрэ шапхъэхэр зыукъохэрэм административнэ ыкIи уго­ловнэ пшъэдэкIыжь арагъэхьы.

Кавказ заповедникыр къэралыгъом къыгъэгъунэрэ чIыпIэхэм ащыщ. Ащ фэгъэхьыгъэ хэбзэгъэуцугъэм къызэрэдилъытэу, мотоциклэм тесэу къыщызычъыхьэхэрэм хабзэм сомэ мин 50 ратын фае. Iизын имыIэу заповедникым имашинэкIэ хэхьагъэм ыкIи щызгъэуцугъэм сомэ мини 100 фэдиз Iахыщт, джащ фэдиз рагъэтыщт заповедникым ичIы­шъхьашъо зэхитIыхьэу къаубыты­гъэми. ЫшIагъэм темыхьажьыхэрэри мыхэм къахэкIы, ащыгъум хьыкумым Iофыр зэхифын фаеу мэхъу. Тазырыр игъом зымытыжьыхэрэм атырэ ахъщэм къафыхагъэхъон алъэкIыщт.

Мы илъэсыр къызихьагъэм къыще­гъэжьагъэу Кавказ заповедникым хэ­бзэнчъэу щызекIогъэ нэбгыри 9 къыхагъэщыгъ. Ахэм зэрарэу къахьы-­

гъэр сомэ мин 425-рэ мэхъу, тазырэу атыралъхьагъэр къэзыпщыныжьыгъэр зы нэбгыр.