Спорт лъэпкъэу боксыр Геническэ районым анахь щызэлъашIэхэрэм ащыщ. Геническэ кIэлэцIыкIу-ныбжьыкIэ спорт еджапIэм боксымкIэ иотделение кIэлэеджэкIо 60-мэ зыщагъасэ, ахэм пшъэшъэжъыехэри ахэтых. Мыщ спортсмен бэлахьхэр къычIи­гъэкIыгъэх: спортымкIэ мастерэу 8, спортымкIэ дунэе класс зиIэ мастерэу зы нэбгыр. Боксер ныбжьыкIэхэм тренерэу Дмитрий Алексеенкэр ягъусэу шышъхьэIум Адыгеим изыгъэпсэфыпIэ лагерэу «Горнэм» щыIагъэх. Республикэм ичIыопс идэхагъэ кIэлэцIыкIухэм агу рихьыгъ ыкIи алъэгъугъэм­кIэ яныбджэгъухэм адэгощагъэх, дахэу къазэрэпэгъо­кIыгъэхэр ягуапэ хъугъэ. — Сицыхьэ телъ, Геническэ ыкIи Адыгеим ябоксерхэм язэныбджэгъуныгъэ зэрэлъагъэкIотэщтыр, зэнэкъокъухэр яушъхьагъоу хьэкIапIэ зэрэзэфэкIощтхэр, — къыIуагъ Хъоткъо Хъызыр. Людмила Погасеева.