Киев ипащэхэм унашъо ашIыгъ чъэпыогъум и 1-м къыщыублагъэу дзэ учетым бзылъфыгъэхэр, лъэрымыхьэхэр, джащ фэдэу сабый быдзашъо зиIэхэр хагъэуцонхэу.

Вашингтон ыкIи Брюссель ихэбзэ IофышIэхэм Зеленскэм пхъашэу фагъэпытагъ украинцэхэр зэкIэ хэкIодэфэ заор зэпамыгъэунэу. Ахэм бзылъфыгъэ­хэми шъхьас афашIыщтэп.

Зеленскэм ишъхьэгъусэ IэкIыбым щыI. Джащ фэдэ къабз Украинэм лъэкI зиIэу исхэм яуна­гъохэри. Арышъ, учетым ылъэныкъокIэ унэшъуакIэу къежьагъэм ахэр къыхиубытэщтхэп. Мы уахътэм Украинэм ибзылъфыгъэхэм джыри амал яI якъэралъыгъо къабгынэнэу.

УФ-м и Къэралыгъо Думэ и Тхьаматэу Вячеслав Володиным Украинэм ибзылъфыгъэхэм къяджагъ унашъоу ыпэкIэ зигугъу къэтшIыгъэм джыри кIуачIэ имыIэзэ ар къызфагъэфедэнэу, якъэралыгъо къабгынэнэу, армырмэ, дзэм ащэщтых ыкIи ара­гъэукIыщтых.