Къалэу Шъачэ иадминистрацие ипресс-къулыкъу къызэритыгъэмкIэ, хьакIэщ пстэумэ яномерхэм азыплIанэ илъэсыкIэм икъихьагъу мафэ­хэм защагъэпсэфынэу зыгъэпсэфакIохэм аубытыгъахэх.

Къалэм ипащэхэм къызэра­IорэмкIэ, тызхэт илъэсыр къызихьагъэм къыщыублагъэу курортым нэбгырэ миллиони 5,2-рэ щыIагъ, гъэмэфэ гъэ­псэфыгъо лъэхъаным зекIо- хэм япчъагъэ нэбгырэ миллиони 7-м къыщыкIагъэп.

ХьакIэу къакIохэрэм санаторие ыкIи пансионат 60-мэ защагъэпсэфы, япсауныгъэ ащызэтырагъэуцожьы. Ащ фэшъхьа­фэу коронавирусыр къызэутэ­кIыгъагъэхэм зыгъэпсэфыпIэ 24-мэ япсауныгъэ ащызэты­рагъэуцожьын алъэкIыщт, хьа­кIэщ зэхэт комплекссхэм медицинэ гупчэхэр ахэтых.

Шъачэ курортхэмрэ зекIонымрэкIэ идепартамент ипащэу Кирилл Ярыш хьакIэщ номерхэм нахьыбэу бронь атыралъхьанэу зырагъэжьэщтыр чъэпы­огъу мазэр арэу къеIо. КIы­мэфэ курортхэу къушъхьэхэм къызщячъэхыхэрэ уахътэр къэ­благъэ, арышъ, цIыфэу къа­лэм защызгъэпсэфыхэрэм джыри къахэхъощт.

ШIэхэу Шъачэ джыри кIэу къушъхьэкъечъэхыпIэ зыхэт зы­гъэпсэфыпIэ къыщызэIуахыщт. Ар псыхъоу Шъачэ хым зыщы­хэлъэдэрэ чIыпIэр ары зыщагъэпсыгъэр. (Тикорр.).