АР-м псэолъэшIынымкIэ, транспортымкIэ, псэупIэ-коммунальнэ ыкIи гъогу хъызмэтымкIэ и Министерствэ къызэ­ритыгъэмкIэ, фэтэрыбэу зэхэтэу, цIыфхэм ямылъку зэ­халъхьэзэ ашIыгъэ унэ 22-рэ блэкIыгъэ илъэсым Адыгеим щатыгъ. Ар фэтэр 2422-рэ, узщыпсэун плъэ­кIыщт квадратнэ мет­рэ мини 100,6-рэ зэ­кIэмкIи мэхъу. Мы илъэсым пыкIыгъэ уахътэм унэ 20 ащ фэдэ шIыкIэм тетэу агъэуцугъ. Ахэм фэтэр 2351-рэ ахэт, узщыпсэун плъэкIыщтыр квадратнэ мет­рэ мин 96,15-рэ ­мэхъу. Джащ фэдэу фе­деральнэ проектэу «ПсэупI» зыфиIорэм къыдыхэлъытагъэу фэтэр 72-рэ зыхэтыщт унэ Тэхъутэмыкъое районым ит поселкэу Яблоновскэм мы уахътэм щашIы. Ар псэупIэ комплексэу «Компаньон-Сити» зыфиIорэм хэхьащт, псэолъэшI хъызмэтшIапIэу «Компаньоныр» ары зыгъэуцу­рэр. Узщыпсэунэу ащ иIэр квадратнэ метрэ мини 3,2-рэ мэхъу.