Украинэм идиверсантхэр къаубытыгъэх

Запорожскэ атомнэ электростанциер къагъэон гухэлъ яIэу Украинэм иди­версант куп Энергодар къыщаубытыгъ.

Террористхэр къызэраубытыгъэ шIыкIэр тикъулыкъушIэхэм тырахыгъ, Iашэхэр ыкIи щэ гынхэр бэу къахахыгъэх: IэкIыбым къыщашIыгъэ Iашэхэр, гранатэхэр, аIэкIэ ашIыгъэ къэорэ пкъыгъохэр, Энергодар икартэ ыкIи испутник системэр.

ТидзэкIолIхэм къызэраIуагъэмкIэ, Запорожскэ атомнэ электростанциер зэрэгъэпсыгъэм, ащ къэбарэу пылъым диверсантхэр дэгъоу щыгъуазэщтыгъэх. Ащ къыхэкIэу анахьэу къамыгъэгъунэрэ чIыпIэу иIэм еонхэу ягухэлъыгъ.

ПэшIорыгъэшъэу зэрагъэунэфыгъэмкIэ, диверсантхэм мурадэу яIагъэр атомнэ энергиемкIэ Дунэе агентствэм (МАГАТЭ-м) илIыкIо куп Запорожскэ атомнэ электростанцием къызыкIощтым тефэу ар къагъэонэу щытыгъ.

Лэжьыгъэ тонн мин 15-м ехъу стыгъэ

Пчэдыжьыпэм сыхьатыр 3 — 4-м адэжь Украинэм идзэ къулыкъухэм Токмак гъогогъу 20-рэ еуагъэх, то­пыщэхэм ащыщхэр Урысыем и ПВО къыриутэхыгъэх.

Топыщэхэр граждан объектхэм атефагъэх, джащ фэдэу элеваторым щэр тефи, ащ чIэлъыгъэ лэжьыгъэ тонн мин 15-м ехъу стыгъэ.

Запорожскэ хэкум идзэ граждан администрацие илIыкIоу Владимир Роговым мы къэбарыр къыгъэ­шъыпкъэжьыгъ. Ащ нэмыкIэу къэорэ пкъыгъохэр зычIэлъ гъэтIылъыпIэр украинэ дзэхэм зэхагъэтэ­къуагъэу къызэратыгъэр мышъыпкъэу къыIуагъ.

Ягухэлъ къадэхъугъэп

Украинэм ибоевикхэм Къыблэ лъэ­ныкъом ихьанхэ гухэлъ зэряIагъэр къадэхъугъэп.

Николаевскэ-Херсонскэ лъэныкъом тебэнэн гухэлъ зиIэ Украинэм идзэ колоннэ зэрэзэхагъэтэкъуагъэр Урысыем къэзыбыбыхьэрэ иаппарат къыгъэлъэгъуагъ.