Мыекъопэ баскетбол командэу «Динамо-МГТУ-м» 2022 — 2023-рэ илъэс ешIэгъум зыфегъэхьазыры. — Урысыем изэнэкъокъоу суперлигэм иятIонэрэ куп щыкIорэм тыхэлажьэ, — ­къы­тиIуагъ «Динамо-МГТУ-м» итренер шъхьа­Iэу, Адыгэ Республикэм изаслуженнэ тренерэу Андрей Синельниковым. — Команди 8 апэрэ чIыпIэхэм афэбэнэщт. Iоныгъом и 22 — 25-м Урысыем и Кубок къыдэхыгъэным фэгъэхьыгъэ зэIукIэгъухэр яIэщтых. Чъэпыогъум хэгъэгум изэнэкъокъу рагъэжьэщт. «Динамо-МГТУ-м» Карениныр, Сизовыр хэкIыжьыгъэх. Андрей Синельниковым къытиIуагъ кIэу аштэщт ешIакIохэр янэплъэгъу зэритхэр. тикомандэ иешIакIэ нахь къе­кIущтхэр аштэщтых. Апэу зыцIэ къыраIуагъэмэ Н. Солдатовыр ащыщ. Купым хэтыщт командэхэм, «Динамо-МГТУ-м» иешIакIохэм шIэхэу шъуащыдгъэгъозэщт.