Iоныгъом и 1-р — шIэныгъэм и Маф
ТилъэпIэ кIэлэеджакIохэр, студентхэр!
Лъытэныгъэ зыфэтшIырэ кIэлэегъаджэхэмрэ ны-тыхэмрэ!
ШIэныгъэм и Мафэрэ илъэсыкIэ еджэгъум иублэгъурэ афэшI тышъуфэгушIо!
Гурыт еджапIэм ипчъэшъхьаIу апэрэу елъэбэкъощтхэм е мы мафэм студент хъущтхэм бэ агу щыхъэщтыр. Iоныгъом и 1-м ахэр щыIэныгъэм ичэзыукIэ хэхьащтых.
Республикэм икIэлэегъэджэ чанхэм Адыгеим иныбжьыкIэхэм шIэныгъэ куу зэрэрагъэгъотыщтым, ахэм амалэу яIэхэм зыкъызэIуягъэхыгъэнымкIэ афэлъэкIырэр зэкIэ зэрашIэщтым тицыхьэ телъ.
Гъэсэныгъэм зыкъегъэIэтыгъэнымкIэ непэ бэ республикэм щызэшIуахырэр. Пшъэрылъ шъхьаIэхэм ащыщых гъэсэныгъэмкIэ инфраструктурэ дэгъу гъэпсыгъэныр, еджапIэхэр техникэкIи, мылъкукIи нахьышIоу зэтегъэпсыхьэгъэнхэр, цифрэ технологиехэр ахэм ащыгъэфедэгъэнхэр. КъыткIэхъухьэрэ ныбжьыкIэхэм шIэныгъэ куу яIэным, текIоныгъакIэхэр ашIынхэм, ясэнэхьат щылъыкIотэнхэм, кадрэхэмкIэ республикэм амалэу иIэхэм зыкъягъэIэтыгъэным кIуачIэу тиIэр тапэкIи етхьылIэщт.
Ныбджэгъу лъапIэхэр! Псауныгъэ пытэ шъуиIэнэу, дэгъоу шъуеджэнэу, шъуиIэпэIэсэныгъэ зыкъежъугъэIэтынэу шIэныгъэм и Мафэ тышъуфэлъаIо! ИлъэсыкIэ еджэгъум текIоныгъакIэхэр, гъэхъэгъэшхохэр шъушIынэу шъуфэтэIо!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу Владимир Нарожнэр