Адыгеим и ЛIышъхьэ социальнэ хъытыухэм къащиIотагъ тиреспубликэ Херсон хэкумкIэ Геническэ районым IэпыIэгъоу ритырэм фэгъэхьыгъэу.

Анахьэу анаIэ зытырагъэтырэр псауныгъэм икъэухъумэн, гъэсэныгъэр, мэкъу-мэщыр, со­циальнэ лъэныкъор, чIыпIэхэм язэтегъэпсыхьан, кIэлэцIыкIухэм языгъэпсэфыгъо уахътэ изэхэщэн ыкIи нэмыкI лъэныкъохэр ары.

Адыгэ Республикэм икIыгъэ врачхэм Геническэ районым исхэм диспансеризациер арагъэкIу. Тхьа­мэфитIум къыкIоцI ахэм нэ­бгырэ 1500-рэ ауплъэкIугъ, 30-м ехъу операцие ашIыгъ. Адэбз узыр зи­IэкIэ зэгуцэфэхэрэ нэ­бгыри 120-р стационархэм агъэкIуагъэх. Адыгеим иврач пэрытхэм нэбгырэ 60-м ехъумэ онлайн-упчIэжьэгъухэр афызэ­хащагъэх. Республикэм испе­циалистхэм компьютер томографыр афызэтырагъэпсыхьагъэу агъэфедэ.

Геническэ районым щыщ кIэлэцIыкIу 400-м ехъумэ, Донбасс къикIыгъэ кIэлэцIыкIуи 100-мэ тиреспубликэ зыща­гъэпсэфыгъ. Геническэ районым игурыт еджапIэхэм апэрэу ялъэбэкъощтхэм Iоныгъом и 1-м ехъулIэу шIухьафтын аратыщт. Гурыт еджэпIэ зау­лэмэ ящыкIэгъэ оборудованиер Адыгеим къафищэфыгъ.

Геническэ районым кIэлэ­цIыкIу джэгупIи 10 щагъэпсыгъ, 6-р район гупчэм, 4-р ащ ­къыпэблэгъэ псэупIэхэм аща­шIыгъэх. АПК-м ылъэныкъо тыщызэдэлэжьэнымкIэ гугъапIэхэр щыIэхэ хъугъэ. Геническэ районым ичIыгулэжьхэм республикэм имэкъумэщ предприятиехэм зэдэлэжьэныгъэ къадыряIэ зэрашIоигъор къа­Iуагъ.

— ШIушIэ IэпыIэгъур къы­зэтедгъэуцощтэп. Партиеу «Еди­нэ Россием» ишъолъыр къутам ары ар зыугъоирэр, —

къы­Iуагъ КъумпIыл Мурат.