УФ-м и Къэралыгъо Думэ Адыгеим ыцIэкIэ идепутатэу Хьасанэкъо Мурат Красногвардейскэ ыкIи Теуцожь районхэм цIыфхэр ащы­ри­гъэблэгъагъэх, япащэхэм зэIукIэгъухэр адишIыгъ.

Урысые политическэ партиеу «Единая Россия» зыфиIорэм иобщественнэ приемнэу районхэм ащыIэхэр ары Iофтхьа­бзэхэр зыщыкIуагъэхэр. Красногвардейскэ районым щы­псэоу депутатым зыкъыфэзыгъэза­гъэхэм гумэкIыгъоу къаIэты­гъэхэм зыщатегущыIэгъэхэ зэ­IукIэгъу администрацием ипащэ иIэнатIэ зыгъэцэкIэрэ Александр Ершовым дыриIагъ. Джащ фэдэу илъэсыкIэ еджэгъур къызщыблэгъэрэ уахътэм зигъо Iофым, еджапIэхэр ащ зэрэфэхьазыр­хэм игугъу ашIыгъ.

Къуаджэу Пэнэжьыкъуае щыIукIагъ Теуцожь район ад­министрацием ипащэу Хьачмамыкъо Азэмат. ЦIыфэу къе­кIолIагъэхэм Iофыгъоу зигугъу къашIыгъэхэм ядэгъэзыжьын ахэр тегущыIагъэх. — РайонитIум ащыпсэоу зыкъытфэзыгъэзагъэхэм зэкIэми джэуап агъотыгъ. Ахэм Iофыгъоу къаIэтыгъэхэм ядэгъэзыжьын амалэу щыIэмкIэ ты­наIэ тетыщт. Социальнэ лъэныкъор, псэупIэхэм язэтегъэпсыхьан нахьыбэу зыгъэгумэкIыхэрэр. Хэбзэ гъэцэкIэкIо органхэмрэ чIыпIэ зыгъэIорышIэжьыпIэхэмрэ зэдеIэжьхэмэ, «Единэ Россием» и Лъэпкъ программэ къыдыхэлъытагъэу цIыфхэм пшъэрылъэу къафашIыгъэхэр пхырыщыгъэ хъущт, — къыIуагъ Хьасанэкъо Мурат.