Къуаджэхэми защагъэпсэфыщт
Къоджэ зекIоным фэгъэхьыгъэ унашъом Президентэу Владимир Путиныр зыкIэтхагъэр илъэс хъугъэ.
Къэралыгъо зэфэшъхьафхэм ар зыщыщыр, шIуагъэу къыхьырэр зыфэдэр зыщашIэрэр бэшIагъэ. Къалэм щыпсэухэрэр къуаджэхэм, къутырхэм ягуапэу зыкъащагъэпсэфынэу макIох. Жьы къабзэ ахэм къащащэ, цIыфхэр зэрэщыпсэухэрэр алъэгъу, къэкIырэ культурэ зэфэшъхьафхэр губгъом зэращалэжьыхэрэр зэрагъашIэ, ахэм яIухыжьын хэлажьэрэри макIэп.
Зэрэунагъоу къуаджэм зыщыбгъэпсэфыныр федэ. Ащ узэрэкIощтым путевкэ ищыкIагъэп, уиунэе автомобилькIэ унэсыщт, пцэжъыяшэ, бжьахъохэм адэжь укIощт. Сабыйхэм унэгъо чэт-тхьачэтхэр, былымэу ахъухэрэр зыфэдэхэр зэрагъэшIэщтых.
ЧIыгум, мэкъумэщышIэхэм япсэукIэ нахь апэблагъэ хъущтых, яхэгъэгу шIу алъэгъущт.