Ростуризмэм ипресс-къулыкъу къызэритыгъэмкIэ, Урысыем ишъолъырхэм мэфэкIхэмрэ фестивальхэмрэ язэхэщэн апэIуагъэхьанэу хабзэм сомэ миллион 638-рэ къафитIупщыщт.

Грантхэр шъолъыр 36-мэ къыдахыгъ, лъэIу тхылъи 134-у къа­IэкIэхьагъэр субъект 57-мэ къарыкIыгъагъэх. Ахъщэ IэпыIэгъур къызэратыхэрэр мэфэкI зэхахьэу зэхащэхэрэм нэбгырэ мини 10-м къыщегъэжьагъэу мин 25-м нэс къезыщэлIэшъухэрэр ары. Iоф­тхьабзэу зэхащэрэм зэреплъыщтхэм пае цIыфхэм ахъщэ атынэу щытэп.