Донецкэ Народнэ Республикэм референдум зыщашIыщт мафэм те­фэу диверсантэу Евгений Карпенкэм лъыгъэчъэ теракт зэрихьан гухэлъ иIэу къаубытыгъ.

ХэбзэухъумэкIо къулыкъухэм зэрагъэунэфыгъэмкIэ, Чехием ар щагъэхьазырыгъ ыкIи До­нецкэ Народнэ Республикэм и Володарскэ район иадминистрацие зычIэт унэм къэорэ пкъыгъор чIилъхьан гухэлъ иIагъ.

Мыщ ыпэкIэ Италием къыщыдэкIырэ гъэзетхэм ащыщ къыхиутыгъагъ НАТО иинструкторхэм украинэ диверсант куп­хэр дзэ базэхэм ыкIи ЕС-м ихэушъхьафыкIыгъэ дзэ лагерьхэм ащагъэхьазырхэу.

Диверсантхэм ягъэхьазырын епхыгъэ къэбарыр къызашIа­гъэр щынэгъончъэнымкIэ Украинэм икъулыкъушIэхэм зэфатхыжьыгъэхэр хакерхэм къазыIэкIахьэр ары. Украинэ диверсант купхэм яподразделениехэр Эстонием, Латвием ыкIи Литвам ащыгъэ­хьазырыгъэнхэмкIэ зэрахьэрэ Iофтхьабзэхэр тхыгъэхэм къащыраIотыкIы.

ЫпэкIэ къызэраIуагъэмкIэ, Донецкэ Народнэ Республикэр Урысыем къыхэхьажьынымкIэ референдумыр Iоныгъом ыгузэгухэм адэжь щыIэщт.