Москва щырагъэжьагъ
Хэгъэгум и Лъэпкъ проектэу «Культурэм» хэхьэрэ шъолъыр Iофтхьабзэу «Творческэ цIыфхэр» зыфиIорэм Адыгеим икIэлэеджакIоу хэлажьэхэрэр Москва кIуагъэх.
«Императорскэ маршрутым» ипрограммэ агъэцакIэзэ, зекIо Iофыгъохэм ахэщэгъэ кIэлэеджакIохэм яшIэныгъэхэм ахагъахъо. Хэгъэгум икультурэ, итарихъ яхьылIэгъэ чIыпIэ гъэшIэгъонхэр зэрагъэлъэгъух.
— Урысыем и Къэралыгъо Думэ, МГУ-р зычIэт унэхэр, Москва ичIыпIэ дахэхэр, императрицэу Марие зыщыпсэущтыгъэр, обществэу «Къащ Плъыжьым» имузей, фэшъхьафхэри Адыгеим икIэлэеджакIохэм зэрагъэлъэгъугъэх, — къы- тиIуагъ АР-м иныбжьыкIэхэм якуп ипащэу Алексей Зориным. — КIэлэеджакIохэм алъэгъурэр, зэхахырэр ашIогъэшIэгъоных.
Москва икIыхи Калугэ зэкIохэм, хэкум ичIыопс, тхакIохэм, культурэм иIофышIэхэм, нэмыкIхэм защагъэгъозагъ.
КIэлэеджакIохэм Урысыем ишъолъыр зэфэшъхьафхэр джыри зэрагъэлъэгъущтых. Адыгеим къагъэзэжьмэ гущыIэгъу тафэхъущт.