Украинэм ошIэ-дэмышIэ IофхэмкIэ ыкIи иполномочнэ лIыкIоу Казахстан щыIэ Петр Врублевскэм Казахстан икъэбарлъыгъэIэс амалхэм яIофышIэхэм къариIуагъ украинцэхэм зэрафэлъэкIэу урысхэр нахьыбэу зэраукIыщтхэм пылъхэу. Ащ фэдиз гухьэ-гужъэу урысхэм афишIыгъэм ушъхьагъоу фэхъугъэри къариIуагъ.

ТапэкIэ Украинэм икIэлэцIыкIухэр мыщ фэдэ зэпэуцужьхэм ащыухъумэгъэнхэм фэшI джыдэдэм урысхэр лъэпсэкIодэу гъэкIодыгъэнхэ фаеу ащ къыIуагъ.

«Джыдэдэм урысхэр нахьыбэу тыукIыхэмэ, тисабыйхэм аукIыщтыр нахь макIэ хъущт», — еIо П. Врублевскэм.

Дипломатым къышIыгъэ псалъэм Урысыем мэхьанэшхо щыратыгъ. «Урыс лъэпкъыр лъэпсэкIод шIыгъэн фаеу» къызэраIорэмкIэ УФ-м и МИД и Официальнэ лIыкIоу Мария Захаровам Киев егъэмысэ.

«Мыщ фэдэ псалъэ къэзышIын зылъэкIыщтыр террористическэ нэшанэ иIэу Iоф зышIэрэ лIыкIор ары. Илъэси 8 хъугъэу Украинэм инацистхэм мамыр цIыфхэр аукIых, ар Москва илажьэу зэкIэми агурагъаIозэ», — къыщеIо Мария Захаровам и Телеграмм-канал.

Казахстан ихэбзэ IофышIэхэм мы Iофым мэхьанэ ратыгъэп. Ау лIыкIом къышIыгъэ псалъэм дырамыгъаштэу социальнэ сетьхэмкIэ цIыфхэм ягупшысэхэр къыраIотыкIых.