Лъэпкъ Iэпэщысэхэм якъэгъэлъэгъон
Адыгэ къуаем иреспубликэ фестивалэу шышъхьэIум и 27-мрэ и 28-мрэ зэхащэщтым лъэпкъ Iэпэщысэхэм якъэгъэлъэгъон къыщызэIуахыщт.
Фестивалыр зыщыкIощт гъэхъунэм игупчэ итыщт пщыпIэм къэгъэлъэгъоныр щыкIощт. Адыгеим ис IэпэIэсэ цIэрыIохэр ащ къекIолIэщтых. Пхъэм, мыжъом, IутIэным, дышъэ Iуданэм, шъом, упкIэм, етIэ гъэжъагъэм ыкIи нэмыкIхэм ахэшIыкIыгъэ пкъыгъо гъэшIэгъонхэр ащ къыщагъэлъэгъощтых.
— Фестивалым хэлажьэхэрэм Адыгэ Республикэм ис IэпэIасэхэм яIэпэщысэхэм нэIуасэ зафашIын, агу рихьыхэрэр къащэфын алъэкIыщт, — къыщаIуагъ Адыгэ Республикэм народнэ культурэмкIэ и Гупчэ.