УФ-м зыкъэухъумэжьыгъэнымкIэ и Министерствэ бэмышIэу къызэритыгъэмкIэ, урысые дзэкIолIхэм апэуцужьынхэм фэшI щэнаут зыхэлъ химическэ веществохэр Украинэм ыгъэфедагъэх.

Ар къеушыхьаты Запорожскэ хэкум къулыкъур щызыхьыщтыгъэ урысые дзэкIолIхэм апкъынэ-лынэ щэнаут къыхэхьагъэу егуцафэхэу госпиталым зэращагъэхэм.

Дзэ ведомствэм къызэритыгъэмкIэ, Зеленскэм икъотэгъу­хэм терроризмэ нэшанэ зиIэ шIыкIэхэр къызфагъэфедэхэзэ, урысые дзэкIолIхэм ямызакъоу, мамыр цIыфхэми ашъхьасыхэрэп.

Министерствэм инаучнэ-ушэтэкIо медицинэ дзэ институтым и Гупчэ шъхьаIэ иIофышIэхэм къызэраIуагъэмкIэ, дзэкIолIхэр зауплъэкIухэм, ботулотоксин «В» зыфаIоу искусственнэу ашIыгъэ узыгъэлIэщт щэнаутыр къахагъотагъ.