Урысыем и Следственнэ комитет иследственнэ ГъэIоры­шIа­пIэу АР-м щыIэм илъэс 64-рэ зыныбжь хъулъфыгъэм ылъэныкъокIэ уголовнэ Iоф къызэIуихыгъ. УкIын бзэ­джэ­шIагъэ зэрихьан гухэлъ зэриIагъэм фэшI ар агъэмысэ.

Следствием зэригъэунэфыгъэмкIэ, 2022-рэ илъэсым шышъхьэIум и 17-м пчыхьэм лажьэ зиIэу зэгуцафэхэрэм игъунэгъу хъулъфыгъищ игъусэу зэде­шъуагъэх. Iанэм кIэлъырысхэу зэгуцафэхэрэм гущыIэ дысхэмкIэ хъулъ­фыгъэхэм ащыщ зыфигъэзагъ. Нэужым лажьэ зиIэу агъэунэфыгъэр ядэжь кIожьи, шхончыр къыхьыгъ, хъулъфыгъэхэм ащыщым ыбгъэгу ыкIи ыIэ джабгъу яуагъ. Хъулъфыгъэр лIагъэ къышIошIи, а чIыпIэр псынкIэу ащ къы­б­гынагъ. Игъом IэпыIэгъу зэрэрагъэ­гъотыгъэм ишIуагъэкIэ шхончымкIэ зэогъэ хъулъфыгъэр врачхэм къагъэ­нэжьын алъэкIыгъ.

МыекъуапэкIэ следственнэ отделым иследовательхэм, Урысыем и Следственнэ комитет иследственнэ ГъэIорышIапэу АР-м щыIэм икъулыкъушIэ-хэм ыкIи АР-м хэгъэгу кIоцI IофхэмкIэ и Министерствэ иуголовнэ лъыхъун отдел иIофышIэхэм зэгъусэхэу зэрахьэгъэ Iофтхьабзэм ишIуагъэкIэ бзэджашIэр къаубытыгъ. Уголовнэ Iофым изэхэфын макIо.

Урысыем и Следственнэ комитет иследственнэ ГъэIорышIапэу АР-м щыIэм ипресс-къулыкъу.