2022-рэ илъэсым шышъхьэIум и 22-м къалэу Мыекъуапэ ипчэгоу В.И. Лениным ыцIэкIэ щытым Урысые Федерацием и Къэралыгъо быракъ и Мафэ фэгъэхьыгъэ мэфэкI концерт щыкIощт, лъэпкъ IэшIагъэхэм якъэгъэлъэгъони къыщызэIуахыщт.МэфэкI концертыр рагъэжьэным ыпэкIэ Iофтхьабзэу «Триколор» зыфиIорэр зэхащэщт. АвтомобилькIэ къызэпэчъэщтхэр быракъхэр аIыгъхэу пчыхьэм сыхьатыр 6-м мэфэкI концертыр зыщыкIощт чIыпIэм дэжь къыIухьащтых.

Къэгъэлъэгъоныр сыхьатыр 5-м къызэIуахыщт, мэфэкI концертыр сыхьатыр 6-м рагъэжьэщт.

Концерт ужым республикэм икъэлэ шъхьаIэ щыпсэухэрэм апае мэфэкI мэшIоустхъохэр огум дафыещтых.

ЗышIоигъохэр зэкIэ рагъэблагъэх!