Игъунэгъум ифэтэр псыр зэрэригъэлъэдагъэм къыхэкIэу ащ зэрарэу ригъэшIыгъэр Адыгэ Республикэм ихьыкум приставэу Теуцожь районым щыIэм лажьэ зиIэм къыIихыжьыгъ.

Теуцожь район хьыкумым ышIыгъэ унашъомкIэ сомэ мин 380-рэ ащ къырагъэпщыныгъ.

Хьыкум приставым учетнэ-регистрационнэ къулыкъум ыкIи чIыфэ зытырэ организациехэм зафигъэзагъ чIыфэ зытелъым мылъкоу иIэр зы­фэдизыр зэригъэшIэнэу. ЧIы­фэр ыпщыныжьынымкIэ ищы­кIа­гъэм фэдиз исчет ахъщэ илъэу къычIагъэщыгъ.

Уахътэу къыфагъэнэфагъэм ехъулIэу чIыфэр зэримыпщыныжьыгъэм къыхэкIэу ащ исчет приставхэм ахъщэр ра­хыгъ ыкIи зэрар зэрихыгъэм ратыжьыгъ.

Урысыем ихьыкум приставхэм я ГъэIорышIапIэу АР-м щыIэм ипресс-къулыкъу