Урысыем и Следственнэ комитет иследственнэ ГъэIоры­шIапIэу Адыгеим щыIэм Тэхъутэмыкъое районымкIэ иот­дел хьыкум пристав-гъэцэкIакIом ылъэныкъокIэ уголовнэ Iоф къызэIуихыгъ. Къуалъхьэ зэриштагъэм фэшI хъулъ­фы­гъэр агъэмысэ.

ЩынэгъончъэнымкIэ федеральнэ къулыкъум къыгъэхьазырыгъэ материалхэмкIэ уголовнэ Iофыр къызэIуахыгъ.

Следствием зэригъэунэфыгъэмкIэ, юридическэ лъапсэ иIэу Iоф зышIэрэм чIыфэу телъытэгъэ сомэ мин 400-р нэмыкI цIыфым ифедэ хэлъэу къыIыхыжьыгъэным фэгъэхьыгъэ Iофыр хьыкум приставэу Iоф зышIэщтыгъэм ыгъэцэ­кIэн фэягъ. Ащ ежь приставым ифедэ къыхигъэ­кIыным фэшI чIыфэр нахь псынкIэу къыфыригъэгъэзэжьыным пае къуалъ­хьэ къыритынэу риIуагъ. Зэ­рэзэзэгъыгъэхэм тетэу хьы­кум приставым исчет со­мэ мин 50 хъулъфыгъэм къыфыригъэхьагъ. Ащ ыуж гъэцэкIэн производствэр зэфишIыжьыгъ.

Мы уахътэм ехъулIэу уголовнэ IофымкIэ следствием уплъэкIунхэр регъэкIокIых.