Адыгэ къэралыгъо университетым социальнэ техноло­гиехэмкIэ ыкIи зекIонымкIэ ифакультет истудентхэу Дарья Понкратьевар, Диана Алешинар ыкIи Александр Венжега Астраханскэ хэкум щызэхащэгъэ экспедицием шышъхьэIум и 8 — 14-м хэлэжьагъэх.

Астраханскэ къэралыгъо университетым зэхищэгъэ зэIухыгъэ зэнэкъокъу эссеу «Вкусная и здоровая экспедиция» зыфиIорэм ахэр хэлажьэхи япроект къызэрэщыхагъэщыгъэм фэшI тхьамафэрэ туристско-этногастрономическэ экспедицием ахэр рагъэблэгъагъэх.

Урысыем щыпсэухэрэм азыфагу зэгурыIоныгъэ илъыныр ары тистудентхэм япроект зыфэгъэхьыгъэр. Яшэн-хабзэ­хэмкIэ, яшхыныгъохэмкIэ ыкIи нэмыкI­хэмкIэ ныбжьыкIэхэр зэдэгощагъэх. Экспедицием къыдыхэлъытагъэу егъэджэн зэфэшъхьафхэу, семинар­хэу, лъэпкъ зэфэшъхьафхэм яприкладной творчествэ афэгъэхьыгъэ Iофтхьабзэ­хэу, экспедициехэу, хэтэ­рыкIхэм ыкIи пхъэшъхьэ-мышъхьэхэм якъэугъоин, лъэпкъ шхыныгъохэм яIэшIугъэ иуплъэ­кIун япхыгъэу зэхащагъэхэм ашIогъэ­шIэгъонэу ахэлэ­жьагъэх.

Джащ фэдэу, пщэрыхьанымкIэ мастер-классхэр къафагъэлъэгъуагъэх.