Курскэ атомнэ электростанцием промышленнэ объект­хэм, транспортым, социальнэ мэхьанэ зиIэ псэуалъэхэм, Курскэ хэкум ыкIи къыпэгъунэгъу шъолъырхэм электро­энергиер зэраIэкIигъахьэщтыгъэ электрорыкIуапIэр (ЛЭП-р) зыIыгъхэр, ахэр зытегъэкIагъэхэр шышъхьэIум и 4-м, и 9-м ыкIи и 12-м Украинэм идиверсантхэм къа­гъэуагъэх.

«Диверсантхэм ябзэ­джэшIагъэ АЭС-м итех­нологическэ IофшIэн зэщигъэкIуагъ», — къытыгъ щынэгъончъэ­ным­кIэ федеральнэ къу­лы­къум.

Мы хъугъэ-шIагъэмкIэ уголовнэ Iоф къызэ­Iуахыгъ. Мы уахътэм ехъу­лIэу щынэгъончъэнымкIэ федеральнэ къулыкъумрэ Росгвардиемрэ зэгъу­сэхэу бзэджашIэхэм ыкIи ахэм якъотэгъухэм якъэгъотын епхыгъэ лъыхъун Iофтхьабзэхэр зэрахьэх. Атомнэ электростанцием ипсэуалъэхэр гъэ­лъэшыгъэ шIыкIэм тетэу къаухъумэх.