Пыдзэфэ пытэхэр зэрэдащыхэрэм ыуасэ итынкIэ «унэе кабинетыр», электроннэ шIыкIэм тетэу гъэпсыгъэ квитанциер, QR-кодыр Адыгеим ис пэпчъ ыгъэфедэн ылъэкIынэу хъугъэ.

Ащ Iофхэр нахь къыгъэпсынкIэщтых, щынэ­гъончъэу щыт ыкIи Iэры­фэгъу.

— Электроннэ шIыкIэм тетэу гъэпсыгъэ квитанциехэм атехьажьынхэшъ, QR-кодыр агъэфедэзэ хэкIыр зэрэдащырэм ыуасэ къатыным шIуагъэ зэрэхэлъыр зэкIэми алъыд­гъэIэсымэ тшIоигъу. Ар нахь Iэрыфэгъу, уахътэу текIуадэрэр нахь макI, — къыIуагъ ООО-у «ЭкоЦентр» зыфиIорэм и ­Адыгэ шъолъыр къутамэ ипащэу Алыбэрд Налбый.

Ащ тетэу мы фэIо-фа­шIэм ыуасэ птыным пае ыпэрапшIэу шъолъыр операторым иинтернет нэ­кIубгъо «унэе кабинет» щыбгъэпсыщт. Мары нэ­кIубгъом иадрес: www.adygeya.clean-rf.ru. Нэ­ужым электроннэ шIыкIэм тетэу гъэпсыгъэ квитанциер ыпкIэ хэмылъэу къыпфагъэхьыным укIэтхэн фае. ЕтIанэ Сбербанкым иприложениеу телефоным дэтыр бгъэфедэзэ хэкIыр зэрэIуа­щырэм ыпкIэ птыщт.

Электроннэ шIыкIэм тетэу гъэпсыгъэ квитанциер къыпфэкIонэу бгъэ­псыгъахэ хъумэ, ар зэрыт файлыр, етIанэ Сбербанкым иприложение къы­зэIупхыщтых, «Оплата по QR-коду» зыфиIорэм утеIункIэщт. Ащ къыщызэ­Iуихырэ «окошкэр» квитан­цием кодэу тетым тебгъэу­цощт, «подтвердить» зыфиIорэ гущыIэм узыте­IункIэкIэ, хэкIыр зэ­­рэ­да­щырэм ыуасэ уикартэ илъ ахъщэм хэкIыщт.

Мы лъэныкъомкIэ упчIэ зиIэр IофшIэгъу мафэ­хэм сыхьатыр 10-м къы­щегъэжьагъэу 19-м нэс мы телефонымкIэ къы­теонхэ алъэкIыщт: 8-995-904-98-94. ООО-у «ЭкоЦентр» зыфиIорэм и Адыгэ шъолъыр къутамэ ипресс-къулыкъу