Росгвардием и ГъэIорышIапIэу Адыгэ Республикэм щыIэм цIыфхэм закъыфегъазэ Iашэхэр, шхончхэр, къэорэ пкъы­гъохэр ыпкIэ хэлъэу атыжьынхэмкIэ программэм чанэу хэлэжьэнхэу.

Къыхэгъэщыгъэн фае, хэбзэнчъэу агъэфедэрэ Iашэр ежь-ежьырэу затыжькIэ, уголовнэ пшъэ­дэкIыжь арагъэхьыщтэп.

Зэхэубытэгъэ про­граммэу «Профилактика правонарушений» зыфиIоу Адыгэ Республикэм иминистрэхэм я Кабинет ыухэсыгъэм къыделъытэ хэбзэнчъэу агъэ­федэрэ Iашэр е нэмыкI къэорэ пкъыгъохэр цIыфым ежь ишIоигъоны-гъэ­кIэ зи­тыжькIэ, ахъщэ ра­тынэу.

Хэбзэнчъэу жъугъэфе­дэрэ Iашэр къэшъуты­жьыным фэшI хэгъэгу кIоцI къулыкъум идежурнэ частэу республикэм имуниципальнэ образо­ваниехэм ащыIэхэм е Росгвардием АдыгеимкIэ и ГъэIорышIапIэ илицензионнэ подразделениехэм яофисхэу зэкIэ районхэм ащыIэхэм ахэр яшъухьы­лIэнхэ шъулъэкIыщт.

ЦIыфхэм IофшIэпIэ чIыпIэ языгъэгъотырэ къулыкъур ары ахъщэ шIухьафтыныр къязытыжьынэу щытыр. ЦIыфхэм ялъэIу тхылъэу къаIэкIэхьагъэ­хэмкIэ IофшIэгъу мэфи­пшIым къыкIоцI ахъщэр ясчетхэм афырагъэхьащт.