Украинэм ихэушъхьафыкIыгъэ къулыкъухэм чIы­дэ­гъэрыкIуапIэу Волгоград хэкум итыр къагъэон гухэлъ яIэу щынэгъончъэнымкIэ федеральнэ къулыкъум ыгъэунэфыгъ.

Националистэу Марцинкевич (Тесак) зэхищэгъэ «Реструкт» зы­фиIорэ купым хэт Урысыем щыщ нэбгыритIумэ чIыдагъэр зэрыкIорэр къагъэон ягухэлъыгъ. Ахэр IашэкIэ къапэуцужьыгъэх, ау ягу­хэлъ къадагъэхъугъэп.

ЩынэгъончъэнымкIэ къулыкъум къызэритырэмкIэ, Украинэм ихэу­шъхьафыкIыгъэ къулыкъу гъунэ зылъифыщтыгъэ зэщыгъэкъон Iоф­хэр зэхэзыщагъэхэр «Реструкта» зыфиIорэм хэтэу, Урысыем щыщ Андрей Чуенковыр (1986-рэ илъ. къэхъугъ), мы уахътэм ар национальнэ батальонэу «Ураган» зыфиIорэм хэтэу Украинэм щыкIорэ зэпэуцужьым хэлажьэ ыкIи нацистскэ батальонэу «Азовым» хэтэу Украинэм ицIыфэу Юрий Ионовыр.

ЩынэгъончъэнымкIэ феде­ральнэ къулыкъум къызэритыгъэмкIэ, бзэджэшIагъэхэр къызэтегъэуцогъэнхэм фэгъэхьыгъэ Iофтхьабзэ­хэр зэхащэх ыкIи Чуенковымрэ Ионовымрэ гъусэхэр яIэхэмэ зэ­рагъашIэ.