Лъэпкъ проектэу «Щынэгъончъэ ыкIи шэпхъэшIухэм адиштэрэ гъогу­хэр» зыфиIорэм къыдыхэлъытагъэу Адыгеим щашIырэ псэуалъэхэм анахь иныр Тэхъутэмыкъое районымкIэ поселкэу Инэм икIэу къуаджэу БжыхьэкъоякIэм кIорэ автомобиль гъогум щырагъэжьэгъэ зэхэкIыпIэр ары. Километри 5,23-рэ зэкIэмкIи ар мэхъу.

Мы псэуалъэм ипроект ыкIи нэмыкI тхылъэу ищыкIагъэхэр гъэпсыгъэнхэм апае 2020-рэ илъэсым къэралыгъо бюджетым къыхэхыгъэу сомэ миллиони 100 Адыгеим къы­фэ­кIуагъ. 2021-м сомэ миллиардрэ миллион 300-рэ УФ-м и Правительствэ къы­тIупщи, псэолъэшIын IофшIэнхэр рагъэжьагъэх. Джыри мыгъэ сомэ миллиардрэ миллион 500-рэ гъогушIхэм къаIукIагъ.

Мафэ къэс нэбгыри 150-м къыщымыкIэу мы псэуалъэм Iоф щашIэ, техникэ зэфэшъ­хьа­фэу агъэфедэрэр 25-рэ мэхъу. ПIалъэ­хэм апэ итхэу зэхэкIыпIэр ашIы, чъэпыогъу мазэр къимыхьэзэ аухынэу ары гухэлъэу яIэр. Процент 75-у ар хьазыр.