Къуалъхьэ зэриштагъэмкIэ агъэмысагъ
Урысыем и Следственнэ комитет иследственнэ ГъэIорышIапIэу Адыгеим щыIэм Iоф къинхэм язэхэфынкIэ иотдел къыугъоигъэ материалхэмкIэ Джэджэ районымкIэ прокурорым иIэпыIэгъоу Iоф зышIэщтыгъэм лажьэ иIэу ыгъэунэфыгъ ыкIи ыгъэмысагъ.
УФ-м и Уголовнэ кодекс къызэригъэнафэу, хэбзэнчъэу къуалъхьэ къызэраIихыгъэм фэшI ащ пшъэдэкIыжь рагъэхьыщт. Следствием зэригъэунэфыгъэмкIэ, 2022-рэ илъэсым гъэтхапэм лажьэ зиIэр иIофшIэгъу уахътэ Джэджэ район прокуратурэм чIэсэу коммерцием епхыгъэу Iоф зышIэрэ предприятие горэм ипащэ хэбзэукъоныгъэу зэрихьагъэмкIэ административнэ пшъэдэкIыжь рамыгъэхьыным фэшI ахъщэ къуалъхьэ къыIихыгъ.
Урысыем щынэгъончъэнымкIэ икъулыкъу и ГъэIорышIапIэу Адыгеим щыIэм икъулыкъушIэхэм къуалъхьэр ыштэзэ прокурорым иIэпыIэгъоу Iоф зышIэщтыгъэр къаубытыгъ.
Хьыкумым иунашъокIэ лажьэ зиIэм илъэси 3 хьапс ыкIи тазырэу сомэ мин 500 тыралъхьагъ. Ащ нэмыкIэу илъэсиплI пIалъэкIэ иIэнатIэкIэ Iоф ышIэн ымылъэкIынэу унашъо ышIыгъ.
Урысыем и Следственнэ комитет иследственнэ ГъэIорышIапIэу Адыгеим щыIэм ипресс-къулыкъу