КIэлэцIыкIухэм афэгъэхьыгъэ Дунэе литературнэ зэнэкъокъоу Жэнэ Къырымызэ ыцIэкIэ зэхащагъэр зыфэдэр, зэрэгъэпсыгъэр тхакIом пстэуми къафыриIотыкIыгъ.

Проектэу «Россия. Горжусь» зыфиIорэм къыдыхэлъытагъэу, шIэныгъэмкIэ, культурэмкIэ, искусствэмкIэ ыкIи спортымкIэ тихэгъэгу узыгъэгушхорэ гъэхъагъэхэр зэришIыхэрэр зэлъашIэрэ цIыфхэм къаIуатэ. Урысыем иобщественнэ ыкIи къэралыгъо IофышIэшхо пчъагъэхэм мы проектым дырагъэштагъ. Ахэм ащыщых артистхэу Аскольд ыкIи Эдгар Запашнэхэр, шахматистэу Сергей Карякиныр, дзюдоистэу Дмитрий Носовыр, дзэкIолIэу Артем Тарасовыр, публицистэу Анатолий Вассерман, мыхэм анэмыкIхэри.

Сергей Лукьяненкэм Дунэе литературнэ кIэлэцIыкIу зэнэкъокъоу адыгэ усакIоу Жэнэ Къырымызэ ыцIэкIэ Адыгэ къэралыгъо университетым щызэхащагъэмкIэ видеоролик тыритхагъ. Зэнэкъокъур Адыгэ Республикэм къэралыгъо гъэпсыкIэ зигъотыгъэр илъэси 100 зэрэхъурэм ипэгъокIэу рагъэкIокIы, ащ фагъэшъуашэ.

Iофтхьабзэм гухэлъэу иIэр сэнаущыгъэ, IэпэIэсэныгъэ зыхэлъ авторхэу кIэлэ­цIыкIухэм афатхэхэрэр къыхэгъэщыгъэнхэр, ахэм ятворчествэ зэлъягъэ­шIэгъэныр, кIэлэцIыкIу тхыгъэхэмкIэ сабыйхэр пIу­гъэнхэр, ялъэпкъ лъапсэ ашIэу, якультурэ къагъэгъунэнэу гъэсэгъэнхэр ары.

Литературнэ Дунэе зэнэкъокъум кIэ­лэцIыкIу тхыгъэхэмкIэ хэлажьэхэмэ зышIоигъохэм ялъэIу тхылъхэр шышъхьэ­Iум и 31-м нэс зэнэкъокъум исайт рагъэхьанхэ амал яI. АщкIэ IэубытыпIэ ашIын алъэкIыщт тхакIоу Сергей Лукьяненкэм ивидеоролик.

Адыгэ къэралыгъо университетым ипресс-къулыкъу