Партиеу «Единэ Россиемрэ» УФ-м гъэсэныгъэмкIэ и Министерствэрэ зэхащэрэ Iофтхьабзэу «Тхылъхэр Донбасс тэжъугъащэх» зыфиIорэм къыдыхэлъытагъэу тхылъхэр зыщаугъоирэ чIыпIакIэхэм шъолъырхэм за­щарагъэушъомбгъущт. Сатыу гупчэхэм, тхылъеджапIэхэм, культурэм­кIэ учреждениехэм, паркхэм, нэмыкI общественнэ чIыпIэхэм мэкIай­хэр ащагъэуцущтых. Тхылъхэр зыщаугъоищт чIыпIэ мин фэдиз джыри партием къызэIуихыщт.

«ЦIыфхэм тиобщественнэ приемнэхэм, «Единэ Россием» иштабхэм кIэлэцIыкIухэм, кIэлэ­еджакIохэм ателъытэгъэ тхылъхэр, художественнэ литературэр къарахьылIэх. Украинэм инационалистическэ литературэу шъхьафит ашIыжьыгъэ чIыпIэхэм ятхылъеджапIэхэм мы аужырэ илъэсхэм къачIа­хыжьыгъэм ычIыпIэкIэ ахэр агъэфедэщтых. Тхылъ мини 150-м ехъу Донбасс IэкIагъэ­хьэгъах. Тилогистическэ гуп­чэхэм ачIэлъ тхылъ мини 10 заулэр шIушIэ IэпыIэгъум игъу­сэу афащэщт. Апэрэ чэзыоу ахэр гурыт еджапIэхэм ятхылъеджапIэхэм, социальнэ учреж­дениехэм, партием игупчэхэу кIэлэцIыкIухэм языгъэпсэфын фэгъэзагъэхэм ятэтых», — къы­Iуагъ «Единэ Россием» и Ге­неральнэ совет исекретарь игуадзэу Дарья Лантратовам.

Ащ фэдэ мэкIайхэр тхылъыщэ тучанхэм ачIагъэуцощтых. УрысыбзэкIэ тхыгъэ тхылъхэр зыщаугъоищт апэрэ чIыпIэхэр шышъхьэIум и 10-м Мордовием, Ивановскэ, Астрахань хэкухэм, нэмыкI шъолъыр заулэмэ къащызэIуахыгъэх. «Единэ Россием» хэтхэм ащ фэдэ мэкIай Саранскэ ипаркэу А. С. Пушкиным ыцIэкIэ щытым идэхьапIэ дэжьи щагъэуцущт. Донбасс арагъэщэщт тхылъхэр Ивановэ и Гупчэ универсальнэ научнэ тхылъеджапIэ щаугъоищтых. Джащ фэдэу Кинешма, Тейковэ, Шуя, Кохма ыкIи нэмыкI къа­лэхэми ащ фэдэ чIыпIэхэр тапэкIэ ащагъэнэфэщтых. «Единэ Россием» хэтхэм Надежда Крупскаям ыцIэкIэ щыт тхылъеджапIэу Астрахань дэтми тхылъ­хэр щаугъоих.

«Урысые шапхъэхэм адиштэу кIэлэеджакIохэр рагъэджэнхэм, яныдэлъфыбзэкIэ — урысы­бзэкIэ тхылъхэм яджэнхэм апае тэ пшъэрылъэу тиIэр апэрэ чэ­зыоу еджапIэхэм урыс литературэр аIэкIэдгъэхьаныр ары. Урысыем иехэр гум ринэжьыщтхэп. Донбасси, нэмыкI чIыпIэхэу шъхьафит ашIыжьыгъэ­хэми мамыр щыIакIэр нахь псынкIэу зыпкъ ащигъэуцожьыгъэнымкIэ тфэлъэкIырэр зэкIэ тшIэщт», — къыIуагъ Дарья Лантратовам.

— «Тхылъхэр Донбасс тэжъу­гъащэх» зыфиIорэ Iофтхьабзэм диштэу Адыгеим тхылъхэр яшъыпкъэу щаугъоих. Адыгэ Республикэм и Лъэпкъ тхылъеджапIэрэ «НыбжьыкIэ гвардиемрэ» тырягъусэу Херсон хэ­кумкIэ Геническэ районым пае тхылъхэр тэугъоих, — къыхи­гъэщыгъ партиеу «Единэ Рос­сием» и Генеральнэ совет хэ­тэу, АдыгеимкIэ «НыбжьыкIэ гвардием» ипащэу, Мыекъуапэ идепутатэу Бэрзэдж Асет.

«Республикэм исхэм тхылъхэр партием и Тхьаматэу Д. А. Медведевым ишъолъыр общест­веннэ приемнэу урамэу Краснооктябрьскэм тет унэу N 4-м къырахьылIэн алъэкIыщт. ШIушIэ IэпыIэгъум дыкIыгъоу мы охътэ благъэм ахэр къалэу Геническ IэкIагъэхьащтых», — къызэхифыгъ Бэрзэдж Асет.

Зигугъу къэтшIырэ Iофтхьа­бзэр мыгъэ гъэтхапэм и 21-м зэрэрагъэжьагъэр, партием иоб­щественнэ приемнэхэмрэ «Единэ Россием» икъутамэхэу шIушIэ IэпыIэгъур зыщаугъоихэрэмрэ ащкIэ къызэрэзфа­гъэфедэхэрэр шъугу къэтэгъэ­кIыжьы.

ХэушъхьафыкIыгъэ операциер зырагъэжьэгъэ апэрэ ма­фэхэм къащыублагъэу Донбасс дэсхэу нэмыкI чIыпIэ агъэкощыгъэхэм, ЛНДР-м, шъхьафит ашIыжьыгъэ псэупIэхэм къа­дэнагъэхэм партиер IэпыIэгъу афэхъу. «Единэ Россием» ишъолъыр къутамэхэм народнэ республикэхэм шIушIэ IэпыIэгъу тонн мин 12-м ехъу аIэкIагъэхьэгъах. Ащ щыщэу тонн 500-м ехъур Iэзэгъу уцых. МЧС-мрэ УФ-м оборонэмкIэ и Министерствэрэ аIэкIагъэхьа­гъэхэр хэмытэу, Донбассрэ нэмыкI псэупIэхэу шъхьафит ашIыжьыгъэхэмрэ алъагъэIэ­сыгъэ шIушIэ IэпыIэгъум ипроцент 60-р партием ишъолъыр къутамэхэм къаугъоигъэх.

«Единэ Россием» сомэ миллион 500-м ехъу къыугъоигъ. АщкIэ гъомылапхъэхэр, сэкъатныгъэ зиIэ кIэлэцIыкIухэм ящыкIэгъэ, нахьыбэрэ агъэфедэрэ пкъыгъохэр къащэфыгъэх.

Донбасси, нэмыкI чIыпIэхэу шъхьафит ашIыжьыгъэхэми «Единэ Россием» ишIушIэ гупчэ 39-рэ къащызэIуахыгъ. Ащ фэдэ гупчэхэм нэбгырэ мин 400-м ехъумэ IэпыIэгъу ащарагъэгъотыгъ. Юридическэ IэпыIэгъу защаратырэ гупчи 6 къызэIуа­хыгъ.

КIэлэцIыкIухэм языгъэпсэфыгъо уахътэ изэхэщэн дэлэжьэрэ гупчи мэкъуогъум и 1-м «Единэ Россием» къызэIуихыгъ. ИщыкIэгъэ мебельри оборудовании ащ чIэтых. Старобельски, Алчев­ски, Купянски, Мариуполи ащ фэдэ гупчэхэр къащызэIуахыгъэх. Харьков хэкумкIэ Волчански шышъхьэIум и 9-м ащ фэдэ гупчэ къыдэтэджагъ. КIэлэцIыкIухэм ягъэсэныгъэ зыкъызыщырагъэIэтырэ творческэ, спорт Iофтхьабзэхэр ахэм ащызэрахьэх.