Адыгэ Республикэм щыпсэу­хэу лъытэныгъэ зыфэтшIыхэрэр!

Физкультурникым и МафэкIэ тышъу­фэгушIо!

СпортымкIэ гъэхъэгъэшхохэр зиIэ Адыгэ Республикэм мы мэфэкIым мэхьанэшхо щыраты. Физическэ культу­рэмрэ спортымрэ апыщэгъэ пчъагъэмкIэ хэгъэгум ишъолъыр пэрытхэм зэу тащыщ. ТичIыпIэгъухэм профессиональнэ спортсмен, тренер, спортым иветеран цIэ­рыIохэр бэу къахэкIыгъэх. Ахэм хэ­­гъэгум испорти, дунэе спортми гъэхъэ­гъэшхохэр ащашIыгъ, ныбжьыкIэхэмкIэ щысэтехыпIэшIоу щытых.

Спорт инфраструктурэм изегъэушъом­бгъункIэ мы аужырэ илъэсхэм респуб­ликэм бэ ща­шIагъэр: джырэ шапхъэхэм адиштэрэ физкультурэ комплекс­хэр, спортзалхэр, джэгупIэхэр агъэпсыгъэх, кIэлэцIыкIу-ныбжьыкIэ спорт еджапIэхэм ачIэс­хэм атегъэпсыхьэгъэ пкъыгъо­хэр къащэфыгъэх. Урысые, дунэе мэхьанэ зиIэ зэнэкъокъу­шхохэр Адыгеим бэрэ щызэхащэх. Ахэм яшIуагъэкIэ Адыгэ Республикэм исхэр физическэ культу­рэмрэ спортымрэ нахь апыщагъэ мэхъух, ныбжьыкIэ­хэм профессиональнэ спортым апэрэ лъэбэкъухэр щашIых.

Спорт Iофтхьабзэу зэрахьэ­хэрэм тапэкIи кIэухышIу къызэратыщтым, щы­IэкIэ-псэукIэ тэрэз зиIэхэр, спортым пы­щагъэхэр нахьыбэ зэрэхъущтхэм тицыхьэ телъ.

Спортсмен, тренер, ветеран пстэуми, зишIэныгъэрэ зиопытрэ къыткIэхъухьэрэ ныбжьыкIэхэм адэзыгощыхэрэм тызэрафэразэр непэ къэтэIо.

Физкультурэмрэ спортымрэ зищыIэныгъэ афэзыгъэIорышIэрэ пстэуми пса­уныгъэ пытэ, щыIэ­кIэ-псэукIэ дэгъу яIэнэу, спортым текIоныгъакIэхэр къыщыдахынэу, тыдэрэ лъэныкъуи гъэ­хъа­гъэхэр щашIынэу тафэлъаIо!

Адыгэ Республикэм и ЛIышъхьэу, Урысые политическэ партиеу «Единэ Россием»и Адыгэ шъолъыр къутамэ и Секретарэу КъумпIыл Мурат

Адыгэ Республикэм и Къэралыгъо Совет — Хасэм и Тхьаматэу Владимир Нарожнэр