Республикэ къэралыгъо программэу «Социальнэ IэпыIэгъу ягъэгъотыгъэныр» зыфиIорэм къыдыхэлъытагъэу, гъот макIэ зиIэ унагъохэм къарыхъухьэгъэ ыкIи илъэс 18-м нэс зы­ныбжьхэу зипсауныгъэкIэ къызтефэхэрэм ыпкIэ хэмылъэу протезнэ-ортопедическэ Iэмэ-псымэхэр къаратых.

2022-рэ илъэсым республикэ бюджетым къыхэхыгъэ сомэ миллиони 6 мыщ пэIуа­гъэхьагъ. Зэзэгъыныгъэу ашIыгъэм диштэу ортопедическэ лъэкъопылъхьэ 900 фэдиз аратынэу агъэнафэ.

— ЦIыфхэр социальнэу къэухъумэ­гъэнхэмкIэ Гупчэм къырахьылIэрэ тхьапэхэм ялъытыгъэу IэпыIэгъур арагъэ-гъоты. Протезнэ-ортопедическэ Iэмэ­-псымэхэм ащыщэу анахьыбэу къыхахы­хэрэр лъэкъопылъхьэхэр ары, — къыщаIуагъ АР-м IофшIэнымкIэ ыкIи социальнэ хэхъоныгъэмкIэ и Министерствэ ипресс-къулыкъу.