Пыдзэфэ пытэхэм ядэщын фэгъэзэгъэ компаниеу «ЭкоЦентр» зыфиIорэм сыдигъуи цIыфхэм зэпхыныгъэ адыриI. Ащ пае телефонхэм ямызакъоу, интернет амалхэри чанэу егъэфедэх. Адыгеим щыпсэухэрэм ар алъыдгъэIэсыным тыпылъ, амыгъэфедэуи тIон тлъэкIыщтэп.

Арэу щытми, къызэрэтеохэ­рэм къыщыкIагъэу дгъэунэфыгъ. 2022-рэ илъэсыр къызихьагъэм къыщыублагъэу Адыгеим щыпсэоу ащ иколл-гупчэ зыфэзыгъэзагъэм ипчъагъэ, блэкIыгъэ илъэсым ащ фэдэ иуахътэ егъэпшагъэмэ, процент 40-кIэ нахь макIэ хъугъэ. Ау нахьыпэкIэ упчIэу яIагъэхэр, гумэкIыгъохэр къэнэжьыгъэх. Нахьыбэу ахэр зыфэгъэхьыгъэхэр хэкIыр зэрэIуащырэ графикыр, ащ ыуасэ шъолъыр операторым къызэрилъытэрэр ары.

Шъугу къэтэгъэкIыжьы, колл-гупчэм иномерэу 8-800-707-05-08-м мафэ къэс, мэфэкIхэри, шэмбэт-тхьаумафэхэри зэрахэт­хэу, пчэдыжьым сыхьатыр 7-м щегъэжьагъэу пчыхьэм сыхьатыр 8-м нэс Iоф ешIэ.

Джащ фэдэу хэкIыр игъом дэщыгъэным епхыгъэ упчIэ зиIэм мы номерымкIэ джэуап ыгъотыщт: 8-962-868-14-62. Мыщ WhatsApp месенджерыр пы­шIагъ, ащкIэ сурэтхэр къэжъугъахьынхэ шъулъэкIыщт.

«ЭкоЦентрэм» иинтернет нэкIубгъуи жъугъэфедэн шъулъэ­кIыщт. Мары иадрес: https://adygeya.clean-rf/ru. Социальнэ сетьхэу «ВКонтакте», «Одноклассники», «Телеграмм» зыфиIохэрэми компанием нэкIубгъохэр ащыриIэх. Мары къызэрэжъугъотыщтхэр: https//vk.com/ecocenter_adygeya, https//ok.ru/ecocenter_adygeya, https//t.me/ecocenter_adygeya/.

ООО-у «ЭкоЦентр» зыфиIорэм и Адыгэ шъолъыр къутамэ ипресс-къулыкъу.