Адыгэ къэралыгъо университетым чIахьэ зышIоигъохэм мы илъэсым ахэхъуагъ. БлэкIыгъэ илъэсым елъытыгъэмэ, шъолъыр 11-мэ къары­кIы­гъэ ныбжьыкIэхэм ятхылъхэр мыгъэ къычIалъхьагъэх.

Къыблэ Федеральнэ ыкIи Темыр Кавказ Федеральнэ шъо­лъырым къарыкIыгъэ ныбжьыкIэхэм ямызакъоу, Камчатскэ краим, Сахалинскэ шъо­лъырым, Ханты-Мансийскэ ыкIи Ямало-Ненецкэ лъэпкъ шъо­лъырхэм ныбжьыкIэхэр къарыкIыгъэх.

Мы илъэсым Адыгэ къэралыгъо университетым бакалавриатым бюджет чIыпIэ 609-рэ, магистратурэм бюджет чIыпIэ 223-рэ ыкIи специалитетым 10 къаратыгъ.

БлэкIыгъэ илъэсхэм афэдэу, анахьыбэу къызэкIолIагъэр юрис­пруденциер ары. Зы чIыпIэм нэбгырэ 20 ит. Джащ фэдэу психолого-педагогическэ лъэныкъом, лингвистикэм ыкIи тарихъым зыфэзыгъасэ зышIоигъо ныбжьыкIабэ къе­кIолIагъ. Зы чIыпIэм нэбгыри 10 ит. КIэлэегъэджэ сэнэхьатхэм ащыщэу анахь къыхахы­гъэр пэублэ гъэсэныгъэр ары. Зы чIыпIэм нэбгыри 5,6-рэ ит.

НыбжьыкIэхэм гъэхъагъэу яIэхэр апшъэрэ еджапIэм чIэ­хьанхэмкIэ IэпыIэгъу къафэхъу­жьых, балл тедзэхэр къафашIы. Абитуриент 226-мэ дэгъу дэдэу къызэраухыгъэр къэзыушыхьатырэ аттестатхэр ыкIи дип­лом­хэр мы илъэсым къырахьы­лIагъэх. ГТО бгъэхалъхьэ зиIэ нэ­бгыри 133-мэ лъэIу тхылъ къатхыгъ, джащ фэдэу олимпиадэ зэфэшъхьафхэм ахэлэжьэгъэ нэбгырэ 15, волонтер Iоф­хьабзэхэр зезыхьэрэ нэбгырэ 24-рэ къекIолIагъ.

Джащ фэдэу ыпкIэ атызэ еджэнхэу къекIолIагъэхэри на­хьыбэ хъугъэ. Магистратурэм езытыжьыгъэхэм япроцент 58-м ыпкIэ хэлъэу еджэщтых, ба­калавриатми проценти 10-кIэ нахьыбэу къатыгъ.

Бюджет шIыкIэм тетэу еджэщтхэм ятхылъхэм ятын аухыгъ. ШышъхьэIум и 9-м чIэфагъэхэм яспискэ сайтым къыра­гъэхьащт. ЫпкIэ хэлъэу еджэ зышIоигъо­хэм джыри уахътэ яI. Очнэ шIы­кIэм тетэу еджэщт­хэм шышъхьэIум и 22-м нэс, очнэ-заочнэ шIыкIэм тетэу шIэ­ныгъэ зэзыгъэгъотыщтхэм Iоныгъом и 30-м нэс, заочнэу еджэщтхэм тыгъэгъазэм и 1-м нэс тхылъхэр атынхэ алъэ­кIыщт.

Адыгэ къэралыгъо университетым ипресс-къулыкъу